Fins ara, coneissiam Felip Gardy mai que mai coma poèta. Ara dona a legir un trentenat de pròsas cortas, ineditas o escampilhadas en revistas, que nos revèlan un mond insolit. Presentan de narrators sens identitat ni passat, d'existénciasmalseguras, en perilh de se fondre coma de sucres dins l'ocean de lor agach coma d'avugles dins la nuèch, agachaires se dissolvent dins l'objècte agachat, coma «l'astronòm inagotable» que se pèrd dins los espacis infinits. Cada narracion es coma l'arrèst sus imatge progressiu d'un filme que quitariá pas de s'alentir e de s'escafar, un vam paradoxal cap a l'immobil, coma un fèrre roge espinchat al moment que se tira del fuòc fins al palliment definitiu. Aquelas pròsas contan pasmens d'eveniments extraordinaris, d'apocalipsis per extincion, de negadas dins lo nonrés coma dins un element liquid, granda lutz eissorbanta, tenèbras pastosas o color unica qu'envasís tot lo mond. Aquò's una autra fàcia de l'escrivan que descobrissèm aicí, fantastica totjorn, tot còp inquietanta, sovent plena d'umor, escrich dins una lenga d'un classicisme perfièch.
Il n'y a pas encore de discussion sur ce livre
Soyez le premier à en lancer une !
A gagner : des exemplaires de cette BD jeunesse sur fond de légendes celtiques !
L'autrice coréenne nous raconte l'histoire de son pays à travers l’opposition et l’attirance de deux jeunes adolescents que tout oppose
Mêlant la folie à l’amour, l’auteur nous offre le portrait saisissant d’une « femme étrange » bousculant les normes binaires de l’identité sexuelle
Dans ce recueil de 13 nouvelles, la jeune autrice mexicaine frappe fort mais juste
