Amb Las que dançavan dins la lutz, Joan-Frederic Brun tòrna sul camin qu'aviá ja seguit dins lo sieu volum de racontes Lo temps clar de las Encantadas (Institut d'Estudis occitans, Atots, 2005). I Aprigondís tanben son exploracion d'un univèrs d'aparéncia plan realista, lo dels terraires de causses e de montanhas que fan lo rèire país de Montpelhièr, entre vinhas, Larzac e Cevenas. Mas coma sovent en cò d'el, es pel biais de creaturas legendàrias o mitologicas, manlevadas als racontes del luòc o nascudas, se pòt plan, del quite imaginari de l'escrivan, qu'aquela exploracion nais e se desplèga. Los limits entre realitat e fantastic ne son d'aquí trebolats, fins a se dissòlver al benefici d'una autra realitat, saique mai presenta e mai vertadièra que la que la cresiam conéisser. Las uèch novèlas aicí recampadas, La jove giganta, Lo secrèt,Lo gorg negre, Nautas tèrras, L'anèl de la serpnassa, Eissam, Roquets e Lo ròc dau miegjorn nos apareisson coma tant de cabussadas a l'encòp agradivas e abissalas dins lo mond del narrator. Los encants d'un estil pivelant an lèu fach d'entraïnar lo legeire dins aqueles avencs de clartats e d'ombras ont se debanan d'aventuras que las podèm aital faire nòstras.
Il n'y a pas encore de discussion sur ce livre
Soyez le premier à en lancer une !
Dans ce recueil de 13 nouvelles, la jeune autrice mexicaine frappe fort mais juste
Une fiction historique glaçante et inoubliable, aux confins de l’Antarctique
Découvrez les derniers trésors littéraires de l'année !
"On n'est pas dans le futurisme, mais dans un drame bourgeois ou un thriller atmosphérique"
